Габриел донесе радост за Арсенал во лондонското дерби (ВИДЕО)

Екипата на Арсенал се избори за победа над Тотенхем од 1-0 во дерби натпреварот од 4.коло во Премиер лигата.

Овие пресметки меѓу ривалите од северен Лондон знаат да донесат многу погодоци, но овојпат само еден беше доволен за да се добие победникот, поточно гостите да ги освојат трите бода.

„Петлите“ севкупно упатија повеќе удари, повеќе ја имаа топката во своите нозе, ама реализацијата не беше на посакуваното ниво.

Клучниот момент се случи во 64 минута кога по корнерот кој го изведе Сака, стоперот Габриел ја закова топката во мрежата на Викарио.

Арсенал сега има учинок од 3 победи и 1 реми и во добро расположение ќе го дочека дербито со Манчестер Сити на „Итихад“.