Фурние заврши со НБА и потпиша за трикратен европски шампион

Еван Фурние повеќе од една деценија беше дел од НБА лигата од тимови како Денвер Нагетс, Орландо Меџик, Бостон Селтикс, Њујорк Никс, Детроит Пистонс и имаше можност да продолжи да биде дел од најголемото кошаркарско „шоу“, но тој се реши да направи голема промена и да се врати во Европа.

Имено по 12 години тој одново ќе настапува на стариот континент и тоа како член на Олимпијакос. Фурние ја прифатил понудата од трикраниот европски шампион и ќе биде огромно засилување за составот од Пиреја.

Се работи за договор 2+1 според кој бекот ќе заработи 4 милиони долари.

Претходно „црвено-белите“ се засилија и со Везенков, Дорси, Вилдоза, Еванс, па дефинитивно Олимпијакос ќе се обиде да ја нападне титулата во Евролигата.

Грчкиот тим најверојатно ќе се ослободи од Филип Петрушев кој се очекува да биде испратен во Црвена Звезда.