Фурние го искоментира спорниот момент во Братислава, шпанските фанови го тролаа со Гасол

Францускиот кошаркар Еван Фурние реши да го одбележи контроверзниот момент од дуелот меѓу Словачка и Шпанија на социјалната мрежа „Икс“, а со својот потег навлече многу шпански фанови кои решија да му одговорат со тролање.

Актуелниот член на Олимпијакос потенцирал дека е зачуден што судиите дозволиле признавање на тројката на Јусте, со која Шпанија на контроверзен начин извлече второ продолжение на дуелот во Братислава, а шпанските фанови не пропуштија да го потсетат на дел од поразите на Франција во дуелите со Шпанија.

– Нема шанси дека судиите дозволија да се случи вакво нешто, – напишал Фурние, а во одговорите доминираат видеа од Пау Гасол и неговата доминација на дуелот со Шпанија во полуфиналето на ЕП во 2015 година.

No way the refs allowed that to happen🫠 https://t.co/DTzjQpvTZz

— Evan Fournier (@EvanFourmizz) November 23, 2024

Шпанците го добија дуелот со Словачка по две продолженија и стигнаа до прва победа во квалификациите за ЕП 2025.

Словачкиот селектор по поразот од Шпанија: Невозможно е да се постигне таков кош (Видео)