Фудбалски срам во Париз: Маркињос не можеше да поверува што доживува на „Паркот на принцовите“ (Видео)

Пријателскиот меч меѓу Бразил и Тунис се играше во Париз, но очигледно беше дека најголем дел од присутните беа Тунижани и тоа направи да видиме срамни сцени на „Паркот на принцовите“.

Фудбалски гледано, Бразилците им одржаа лекција на ривалите и ги декласираа во секој сегмент од оваа игра, постигнувајќи дури пет гола во мрежата, од кои четири во период од 30 минути.

Бразил водеше 4:1 по 45 минути игра и во прв план беше ударното трио Нејмар-Ришарлисон, Рафиња, но во овој дел видовме и еден гол за Тунис, но и црвен картон. Стоперот Брон намерно го фаулираше Нејмар и заслужено доби директено исклучување, но ова за жал не беше најсрамната сцена од оваа средба.

Маркињос како капитен на ПСЖ не можеше да поверува дека гледалиштето на „Паркот на принцовите“ ја исвиркува химната на Бразил за време на интонирањето на истата, но уште полоша сцена беше онаа по голот на Ришарлисон.

Ѕвездата на Тотенхем го постигна голот за 2:1, по кој беа фрлани предмети, но и банана кон бразилските фудбалери, што јасно алудира на расистичко омаловажување, нешто што за жал не е никаква новост во француската престолнина.

Torcida vaia durante execução do hino do Brasil, e Marquinhos, que atua no Parque dos Príncipes com o PSG, demonstra descontentamento pic.twitter.com/E4VqI4crOS

— ge (@geglobo) September 27, 2022

Richarlison scoring for Brazil today against Tunisia and a banana was thrown in front of him during the celebrations. Sickening stuff and no need for these type of racist fans at matches. pic.twitter.com/DQlKIBcMTm

— Roberto Rojas (@RobertoRojas97) September 27, 2022

Brasil x Tunísia: banana é atirada em direção a jogadores da Seleção na comemoração do gol de Richarlison https://t.co/zvJxA9pQ0v pic.twitter.com/HbKpN8BRcj

— ge (@geglobo) September 27, 2022