Фудбалската магија на Рајндерс во Мадрид ги воодушеви фановите на Милан (Видео)

Милан одигра извонреден тимски натпревар на „Сантијаго Бернабеу“ и од Мадрид си замина со огромна победа во Лигата на шампиони, издание во кое еден од најдобрите беше Тијани Рајндерс.

Холандскиот репрезентативец го постигна третиот гол кој беше и последен на натпреварот во шпанската престолнина, а акцијата која ја изведоа тој и Рафа Леао беше навистина импресивна.

Играчот за врска режираше магија на средниот ред и презентираше страшни технички квалитети за да ја задржи топката, за потоа да ја проследи истата до Леао кој потоа направи важна разлика во акцијата.

Португалецот му ја врати топката на Рајндерс и овој вториот ја заврши комбинацијата со гол во мрежата на Лунин, па затоа неговите потези уште повеќе добија на значење.

Посебно импресивен е моментот кога се ослободи од двајца играчи на Реал со елегантно движење, па фановите на Милан на големо го споделуваат овој сегмент на социјалните мрежи.

reijnders. wow.

leao. wow. pic.twitter.com/ns671bd6JV

— Inside Milan (@_InsideMilan) November 6, 2024

🥶 Stop that @T_Reijnders 🤌pic.twitter.com/qakhiyLNe1

— SempreMilan (@SempreMilanCom) November 5, 2024