Фудбалска треска во 2 часот наутро: Надал и Руд приредиле вистинско шоу на аеродромот во Бразил (Видео)

Рафаел Надал и Каспер Руд имаат заедничка турнеја во Јужна Америка и ќе посетат неколку земји во кои ќе одиграат егизбициски натпревари, а првиот беше во Бразил.

Надал славел со 2:0 во сетови на мечот пред 5 илјади навивачи во Бело Хоризонте, по што тој и неговиот колега приредиле вистинско шоу на аеродромот во истиот град.

Заедно со неколку други лица кои го чекале својот лет на аеродромот во Бело Хоризонте, Надал и Руд одиграле неколку партии „без да падне“ во 2 часот наутро, што е јасен доказ дека и тие се „заразени“ од фудбалската треска која владее поради мундијалот во Катар.

Видеото од двајцата тенисери брзо стана вирално во Јужна Америка, а истото беше најава за втората станица која ќе ја имаат двајцата во текот на денешниот ден.

Надал и Руд веќе пристигнале во Кито, главниот град на Еквадор и планот е да одиграат нов меч во раните утрински часови по европско време.

2am at the airport, here is what Rafael Nadal and Casper Ruud are doing…

😁

(🎥 @RafaelNadal) pic.twitter.com/arf6tj9mjn

— We Are Tennis (@WeAreTennis) November 27, 2022