Фудбалот остана без уште една икона: Почина Шпанецот со најмногу освоени европски титули

Светот на фудбалот остана без уште едно големо име-легендата на Реал Мадрид, Франциско Хенто Лопез или попознат само како Пако Хенто.

Хенто кој во својата кариера се прослави играјќи за Реал Мадрид почина во 88 година од животот. Пако до ден денеска е играчот со најмногу освоени европски титули-(некогашниот Куп на европските шампиони-6) и тоа во периодот 1956-1960 и во 1966, а како дел од успесите се и 12 освоени лигашки пехари во Шпанија, двата Купа и уште неколку славја со „кралевите“.

Тој вкупно одигра 600 мечеви за Реал на кои даде 182 голови, додека пак за националниот тим настапи на 43 средби.

Хенто воедно беше почесен претседател на клубот од „Бернабеу“, титула која ја наследи од неговиот добар пријател и соиграч Алфредо Ди Стефано.