Фудбалерките во група со Летонија и Косово во Лигата на нации

Македонската женска сениорска репрезентација ги доби противниците за новото издание на Лигата на нации.

Денешната ждрепка во Нион ни ги донесе Летонија и Косово како ривали во групата 6 од Ц сегментот.

-Морам да признаам дека добивме група по мерка. Се работи за противници кои ни се добро познати и со кои бевме во група во изминатите два циклуса.Мислам дека сега е вистинското време да го направиме тој чекор напред и да успееме да го освоиме толку посакуваното прво место во групата. Верувам дека можеме, умееме и имаме квалитет за такво нешто.

-Во следниот период се надевам дека ќе ги завршиме и преговорите околу пријателските натпревари што треба да ги одиграме и кои ќе претставуваат одлучна подготовка за предизвиците што ќе не очекуваат во новиот циклус од Лигата на нации, -истакна селекторот Александар Андов .