Фудбалерите на Атлетико бараа аут, Лас Палмас постигна гол во мрежата на Облак (Видео)

Позитивната серија на Атлетико Мадрид во шпанската Ла Лига сопре на бројката шест, бидејќи после толку победи во низа, тимот на Чоло Симеоне вечерва беше непријатно изненаден на Гран Канарија.

Лас Палмас успеа да ја искористи летаргичноста во играта на гостите од Мадрид, кои првпат после два месец ипол одиграа лош натпревар како оној против Валенсија на „Месталја“.

Атлетико не успеа да ја наметне својата игра и немаше решение за зонската одбрана на Лас Палмас, а домаќинот во таков распоред дочека и две грешки кои ги претвори во гол.

Фудбалерите на Атлетико бараа аут кога Антоан Гризман се обиде атрактивно да додаде со пета, но повторената снимка покажа дека топката не излезе со цел обем од границата на теренот и затоа голот на Родригез во 51-та минута беше регуларен.

Во продолжение, Лас Палмас дочека уште една грешка по која Рамирез погоди за 2:0, а до крајот на натпреварот, Алваро Мората постигна почесен гол за конечни 2:1.