Фудбалерите ги избраа најдобрите во ПЛ, Фоден и Палмер прекинаа долг пост за домашните играчи

Англиската асоцијација на професионални фудбалери вечерва на специјална свеченост ги додели признанијата за најдобрите во претходната сезона на Премиер лигата, а избран е и најдобриот тим.

Главното признание заврши кај Фил Фоден како претставник на шампионот Манчестер Сити, додека Кол Палмер од Челси заслужено ја освои наградата за најдобар млад фудбалер.

Комбинацијата Фоден-Палмер значи дека двајца англиски фудбалери ги освоиле главните признанија првпат по сезоната 2009/10, во која истите завршија кај Џејмс Милнер и Вејн Руни.

За разлика од Фоден, Палмер не се најде во тимот на сезоната, а во него се уште и Раја, Салиба, Габриел, Ван Дајк, Вокер, Рајс, Родри, Одегард, Воткинс и Халанд.

Инаку, Фоден ги освои сите поважни признанија кои се доделуваат за сезоната 2023/24, а првпат го добива признанието од колегите фудбалери, кои досега два пати го прогласија за најдобар млад играч во Премиер лигата.