Фудбалер на Сити приведен поради кражба на телефон

Спортистите ширум светот знаат да имаат неверојатни приказни, ситуации во нивните животи, а токму таква е онаа за која известуваат шпанските медиуми, а се однесува на членот на Манчестер Сити, Матеус Нунес.

Весникот „Ел Мундо“ пренесува дека Поругалецот минатиот месец бил преведен од шпанските власти поради кражба на телефон.

Матеус се забавувал во еден клуб и откако едно лице го фотографирало во тоалетот му го земал телефонот. Лицето го пријавило, па играчот за врска бил приведен и однесен во полициска станица каде бил задржан неколку часа пред да биде ослободен.

Сега Нунес го очекува судење, но во меѓувреме тој игра за Сити и вчера беше активен низ сите 90 минути во соочувањето со Слован Братислава во Лигата на шампионите.