Фудбалер на Рајо почна да се води за исчезнат во јавноста, претседателот на клубот даде објаснување

Раул Де Томас одигра вкупно 90 минути на последните 16 натпревари за Рајо Валјекано, а неговото непознато и необјаснето отсуство на последните натпревари предизвика и големи сомнежи во шпанскиот печат.

Дел од медиумите во текот на вчерашниот ден почнаа да пренесуваат дека поранешниот напаѓач на Реал Мадрид е исчезнат и дека никој во клубот не му знае трага, но на ваквите сензационални информации сега пристигна демант од страна на Мартин Преса.

Претседателот на Рајо Валјекано откри дека Раул нема да биде во комбинација и за мечот во Копа дел Реј, а причина за тоа е болест која не сакаше да ја открива.

– Раул Де Томас е надвор од стројот и не може да се појави на тренинзите. Тој е контролиран од страна на медицинската служба на тимот и не станува збор за исченување.

– Тој не е исчезнат, тој е болен. Не се работи за физичка повреда, станува збор за болест која сега нема да ви ја откривам, – изјавил Преса.