Фудбалер на Нант се посрамоти на празен гол (Видео)

Нант вечерва се соочи со францускиот шампион ПСЖ, а во првото полувреме домаќините пропуштија голема можност да стигнат до предност.

Фаворитот се извлече и остана без негатива по одличната акција на Нант, само затоа што Моузес Симон не реализираше зицер.

Одбраната на ПСЖ и Навас беа веќе совладани, но Нигериецот успеа да се погоди во левата нога и на крајот самиот се блокираше иако требаше да погоди во празниот гол на фаворитот.

Казната стигна на почетокот на вториот дел, кога ПСЖ успеа да постигне два гола и ја најави победата, а малерозните домаќини не реализираа ниту пенал во 69. минута.