Фудбалер на Јувентус предизвика многу реакции со коментарот за интервјуто на Мота

Тиаго Мота во интервју за „Кориере дела Сера“ првпат јавно ги коментирал случувањата во редовите на Јувентус, каде изминатиот период заработи отказ и беше експресно заменет со Игор Тудор.

Веќе поранешниот тренер на „бјанконерите“ зборувал за резултатите, односот со играчите и причините за послабите резултати во периодот пред да биде отпуштен.

Меѓу другото, Мота потенцирал и дека не се точни наводите дека соблекувалната се свртела против него и може да биде критикуван како тренер, но не и како човек, бидејќи никогаш немал конфликт со некого во својата кариера.

Мота го прекина молкот и го посочи играчот за кој посебно жали што го продал: Направивме грешка

Интересен, иако индиректен одговор стигна од еден од неговите досегашни фудбалери, односно од искусниот Матија Перин кој со еден потег на социјалните мрежи подигна прашина на „чизмата“.

– Секој од нас е архитект на својата иднина, – напиша Перин, а фановите и медиумите протолкуваа дека пораката е одговор на изјавите на Мота во споменатиот медиум.