Фудбалер на Јунајтед со нова разочарувачка вест: Боли што мора да го напишам ова…

Манчестер Јунајтед се обидува да влезе во позитивна резултатска серија под водство на новиот менаџер, но Рубен Аморим уште долг период нема да смета на еден значаен фудбалер.

Левата бековска позиција е голем проблем за „црвените ѓаволи“ поради хроничните проблеми и честите отсуства на Лук Шо, а англискиот репрезентативец преку социјалните мрежи вечерва соопшти уште една лоша вест.

Наместо очекуван камбек на теренот, Шо објави дека доживеал нов проблем и ќе отсуствува уште неколку недели.

– Боли што мора да го напишам ова, бидејќи навистина мислев дека ги надминав последните проблеми и дека бев на позитивен пат, движејќи се нанапред, но за жал ми се случи мал проблем.

– Поминав низ многу работи и имав многу подеми и падови, но ова дефинитивно беше мојот најтежок период. Јас сум апсолутно уништен и исклучително е тешко да се помирам со реалноста во овој момент. Разбирам дека ќе има многу фрустрирани, лути и разочарани фанови.

„Никој не го чувствува тоа посилно од мене во овој момент. Но, она што можам да го ветам е дека ќе направам се што можам за да се вратам побрзо, за да му помогнам на овој клуб да ги оствари своите амбиции сезонава, – напишал Шо.