Фудбалер на Челси уапсен по кавга со девојка

Медиумите во Англија пренесуваат дека екстра талентираниот фудбалер на Челси, Калум Хадсон- Одои е уапсен доцна синоќа.

Младиот фудбалер на Челси, кој го победи коронавирусот, го прекршил правилото за карантин и во својот дом повикал девојка која ја запознал преку интернет.

По една бурна расправија меѓу Хадсон- Одои и девојката, соседите повикале полиција, а потоа на местото пристигнала и брза помош што говори дека фудбалерот веројатно и нанел и повреди на девојката.

Крилниот играч за кого имаше интерес од Баерн Минхен веднаш бил приведен и однесен во полициска станица, додека девојката со амбулантно возило била пренесена во болница.

– Полицијата и Брзата помош во Лондон беа повикани во 3:53 часот во недела, на 17 мај по пријава дека некоја жена не се чувствува добро, -стои во краткото соопштение кое беше испратено до медиумите од страна на полицијата.

Полицијата денес го претресува домот на играчот на Челси кој се уште останува во притвор и не се знае кога ќе биде пуштен дома.

Од Челси се уште не се излезени со официјално соопштение по целиот овој немил настан во кој е вплеткан еден од нивните најголеми таленти.