Фудбалер на Борусија колабирал на полувремето на дербито со Барселона

Борусија Дортмунд го загуби дербито со Барселона на домашен терен, а неуспехот пред своите фанови во Лигата на шампионите беше надополнет и со неколку проблеми со играчите на тренерот Нури Шахин.

Она што најмногу ги загрижило одговорните во редовите на бундеслигашот е ситуацијата со Џулијан Риерсон, кој колабирал во подтрибинскиот простор на полувремето на натпреварот на „Сигнал Идуна“.

„Билд“ објави дека Риерсон добил наредба од лекарскиот тим да остане во соблекувалната и да мирува, а по крајот на натпреварот бил пренесен во болница на детални прегледи.

Борусија е посебно внимателна со здравствената состојбата на своите фудбалери, посебно по ситуацијата со Себастија Алер, на кого му беше дијагностициран рак.

Засега нема потврда дали Риерсон ќе биде во комбинација за дуелот на Борусија против Волфзбург претстојниов викенд.