Фудбалер на Баерн го информирал клубот дека заминува во јуни

Баерн Минхен минатото лето го загуби Давид Алаба како слободен агент, а следново ќе остане без уште еден фудбалер, за кој нема право да бара отштета.

Дефанзивецот Никлас Зиле деновиве официјално го информирал раководството дека не планира да остане, односно да ја продолжи соработката и во јуни ќе стави крај на баварската епизода.

Зиле сака нов предизвик во кариерата, а засега не е јасно кој ќе биде негов следен клуб, бидејќи има повеќе кои се интересираат за неговите услуги.

Последно, како сериозно заинтересиран тим за потписот на Германецот со унгарско потекло, се споменуваше името на Барселона.

Дефанзивецот дојде во Баерн од Хофенхајм во 2017 година, а веќе има над 30 настапи и за германската репрезентација.