Фудбалер на Арсенал размислува во иднина да настапува за Гана

Големата конкуренција во англиската фудбалска репрезентација натерала фудбалер на Арсенал да размислува за промена на националниот тим во кој настапува.

Се работи за напаѓачот Еди Нкетија кој има настапи за У-21 селекцијата на Англија, но досега не добил повик од Герет Саутгејт, нешто што го натерало да преговара со друга репрезентација.

Нкетија во иднина може да го носи дресот на Гана, а самиот потврдил дека размислува за оваа опција.

– Засега ништо не е решено.

– Имаше разговори меѓу двете страни, но јас сум фокусиран на настапите за мојот клуб. Наскоро ќе донесам одлука и тоа според она што е најдобро за мене и мојата фамилија, – изјавил Нкетија.

Родителите на фудбалерот потекнуваат од Гана, а тој е роден во предградие на Лондон.