Фред со искрена изјава: Имав ужасна година во Манчестер Јунајтед

Фудбалерот на Манчестер Јунајтед, Фред, пред две години стигна од Шахтјор како големо засилување во средината на теренот.

Сепак, Бразилецот имаше катастрофална прва сезона на „Олд Трафорд“, додека во втората под водство на Оле Гунар Солскјер покажа дека може и знае да игра многу подобро.

Фред е свесен дека бил катастрофален во првата година на „Театарот на соништата“ потенцирајќи дека тоа била ужасна година за него.

Бразилецот посочи дека не можел да се концентрира на фудбалот и поради семејни причини, но и поради периодот на адаптација на новата средина.

– Првата сезона ми беше тешка. Имаше процес во кој се адаптирав тука, а исто така имав и некои лични работи кои ми се случуваа во животот, како раѓањето на мојот син. Па верувам дека поради низа причини првата сезона ми беше ужасна. Како и да е, сега се чувствувам добро и дефинитивно сум адаптиран на новата средина, -изјави Фред.

Бразилецот одлично ја пополни празнината во тимот која настана со неиграњето на Пол Погба кој речиси цела сезона е надвор од терените поради повреда.