Французите закажаа четвртфинално ракометно дерби со Германија

Француската машка ракометна репрезентација врза две победи по ред на олимпискиот турнир и со денешната против Унгарија (24:20) си го потврди пласманот во четвртфиналето.

Домаќините на олимпискиот турнир го добија натпреварот со малку голови, на кој на полувремето водеа со 11:8, за во продолжението да го неутрализираат унгарскиот пресврт и со подобар финиш да стигнат до посакуваниот резултат.

Пранди со 7, односно Деска и Мем со по 5 голови доминираа во францускиот напад, а Имре со 6 погодоци бил најефикасен во редовите на унгарската репрезентација.

Со денешната победа, Франција го обезбеди четвртото место во групата и закажа четвртфинално дерби со Германија.

Натпреварот ќе се игра во Лил во среда, а Германците во него влегуваат со четири победи од пет натпревари на турнирот.