Францускиот тренер со бело знаме пред мечот во ЛШ: Логично е да загубиме од Реал

Реал Мадрид отвори со победа против Штутгарт на стартот на новата сезона во Лигата на шампиони, а по триумфот остварен на домашен терен, сега следи прво гостување во новиот формат.

Реал отпатува за Франција и утре ќе ги одмери силите со тимот на Лил, но тренерот на овој францускиот клуб почна да се откажува уште пред играчите да излезат на теренот.

Според Бруно Женезио, Реал е убедливо најдобар клуб во светот, па се освен пораз би било огромно изненадување и неверојатно достигнување за неговиот тим.

– Утре играме против најдобриот клуб во светот. Логично е да загубиме од Реал. Нормално ќе биде да го загубиме утрешниот меч. Се освен пораз би било изненадување и фантастичен успех за нас.

– Мора да играме опуштено и да веруваме дека ќе ни се насмевне среќата. Ако некако победиме, тоа ќе се гледа како огромно достигнување во светски рамки. За да се случи тоа, потребно ќе ни биде доста среќа, – изјави Женезио.