Поврзете се со нас

Светски првенства

Францускиот селектор го најави приоритетот на фаворитот во дуелот со Македонија

Објавено

на

Фото: https://x.com/FRAHandball

Франција важи за еден од главните фаворити за златото на актуелното Светско ракометно првенство, а денешниот дуел со Македонија го дочекува со обезбедено прво место во групата и без никаков дополнителен притисок.

Селекторот Гијом Жил има квалитетен ростер и сигурно ќе се обиде да им даде шанса на оние играчи кои досега добиваа помала минутажа, а за француските медиуми открил и каков план има за денешниот натпревар.

Претпоставките се дека Ромен Лагар ќе добие минутажа за Французите да го одморат Тибо Брие, а ротации се очекувани и на други позиции.

– Носечката идеја е овој натпревар да ни помогне за одржување на ритамот кој го наметнавме од почетокот на турнирот.

– Ова е натпревар кој треба да го потврди она што го работевме досега и да го зацврсти нашиот статус во пресрет на нокаут фазата.

– Имаме луксуз да располагаме со состав кој можеме да го користиме во зависност од потребите и противникот, а ваков натпревар истовремено е можност и да го истражуваме и надополнуваме нашиот играчки репертоар во деловите во кои досега не сме успеале, – вели Жил.

Натпреварот Македонија-Франција се игра вечерва од 20:30 часот.

Advertisement
Advertisement

Италија

Advertisement

Популарни