Француски репрезентативец пред дербито во ЛН: Подготвени сме за „одмазда“ на „Сан Сиро“

Натпреварот Италија-Франција ќе предизвика внимание кај фудбалските фанови, а двете репрезентации ќе имаат сериозна мотивација и покрај потврдениот пласман во четвртфиналето на Лигата на нации.

Французите загубија на домашен терен во првото соочување на овие селекции во групата, а Лука Дињ вели дека тоа е важна мотивација за неговата репрезентација пред дуелот на „Сан Сиро“.

– Дефинитивно постои расположение за спортска одмазда на дуелот во Милано.

– Кога ќе загубиш од селекција како Италија, не сакаш да ти се повтори таков резултат и мислам дека сите во националниот тим размислуваат на таков начин.

– Противникот има одлична кохезија, добра форма и добар тренер со кого соработував во Рома. Тоа значи дека мора добро да се подготвиме и да работиме на деталите кои ни недостасуваат, – рекол Дињ.

Фудбалерот на Астон Вила очекува 50-ти настап во националниот тим, а се уште нема постигнато гол за Франција.