Француска сенаторка побара да му бидат одземени „Златната топка“ и државјанството на Бензема

Карим Бензема заработи сериозно обвинување дека е соработник на озлогласената терористичка група „Freres musulmans“ од страна на францускиот министер за внатрешни работи, а тоа предизвика бура реакции во неговата татковина.

Жералд Дарманин го спомена Бензема објавувајќи ја битката на француските власти со терористичките ќелии во државата, а оваа информација донесе и уште еден сериозен напад на сметка на ѕвездата на Ал Итихад, кој претходно не чекаше многу пред да изрази поддршка за жителите на областа Газа во израелско-палестинкиот конфликт.

Сенаторката Валери Бојер денеска јавно побара да му биде одземено француското државјанство на Бензема, исто како и неодамна освоената „Златна топка“ како врвно фудбалско признание кое го доделува „Франс футбол“.

– Ако зборовите на министерот се точни, мора да се преземат санкции против Бензема.

– Симболична казна ќе биде одземање на неговата „Златна топка“, а завршната казна би била одземање на неговото француско државјанство. Не можеме да прифатиме дека меѓународно признат француски интернационалец може да ја предаде на ваков начин, – истакнала Бојер.