Франција ја сруши перфектната Канада и ќе се бори за медал за ОИ

Репрезентацијата на Франција бодрена од своите сонародници направи изненадување и славеше над Канада со 82:73 во четвртфиналното соочување на Олимписките Игри.

Французите иако имаат искусен, квалитетен и проверен состав играат лошо на турнирот, покажаа многу осцилации и токму затоа Канаѓаните кои досега беа перфектни влегоа како фаворити во битката со Париз.

Меѓутоа групната фаза е еден сегмент, нокаут рундата е друг, па четата на Коле покажа знаење, борбеност, умешност и се избори за полуфинале во кое ќе ги одмери силите со Германија.

Како пресуден се покажа првиот дел кој „триколорите“ го реализираа со плус 16 (45:29), па иако гостите во продолжението се закануваа, беа конкурентни на крајот сепак последниот збор го имаа Французините кои сега ќе се борат за медал.

Јабуселе и Кординие со 22 и 20 кошеви беа први стрелци кај победникот, додека Гилџес-Александер немаше соодветна поддршка и залудни беа неговите 27 поени.