Франција ја надигра Шведска и ќе се бори за златото на СП

Репрезентацијата на Франција ќе биде ривалот на Данска во финалето на 28. Светско првенство кое се одржува во Шведска и Полска.

„Галските петли“ оваа вечер ги надиграа Швеѓаните со 31-26 и по пауза од шест години повторно ќе играат на завршниот мундијалски меч со цел да дојдат до седмото злато. Французите знаеја што прават на дуелот во Стокхолм, одлично функционираа на двете страни на теренот, па уште во првото полувреме го најавија триумфот со оглед на предноста од четири гола (16-12).

По паузата имаа одговор кога домаќините ќе се залетаа, ќе направеа притисок и сосема заслужено дојдоа до резултат вреден борба за тронот во светкиот ракомет и тоа против селекцијата која е актуелен првак и сака да направи хет-трик и испише нова ракометна историја.

Фабрегас беше најефикасниот во победничкиот тим со шест погодоци, додека прв стрелец на Шведска беше Јохансон со пет погодоци.