Франција го нокаутираше светскиот шампион и ќе се бори за златото на Париз (ВИДЕО)

Репрезентацијата на Франција е првиот финалист на кошаркарскиот турнир во машка конкуренција на Летните Олимписки Игри и тоа откако вечерва успеа да ја добие пресметката со актуелниот светски шампион Германија со 73:69.

Иако на хартија Германците важеа за фаворити, но тоа како да им одговара на Французите кои беа во исто таква улога и против Канада, а на крајот ги нокаутираа ривалите.

Се водеше жестока борба во Париз, првиот дел заврши со израмнети 33:33 за да третиот период заврши со плус шест за домаќините. „Триколорите“ водеа и со 13 разлика во завршниот период, ама противникот не се предаваше, дојде и на минус два, меѓутоа немаше сили за целосен пресврт.

Јабуселе и Кординие одново беа главни кај „галските петли“ со 17 и 16 кошеви, Шрудер реализираше 18 за поразените.

Вториот финалист ќе го добиеме вечерва по мечот меѓу Србија и САД.