(ФОТО СТОРИЈА) „Фалангата“ беше во топ-форма, но една девојка ги освои симпатиите на Лазаров!

kiro pobeda

Од Загреб за „Дерби“,
Александар Табаковски

Капитенот на македонската ракометна селекција, Кирил Лазаров, им ја посвети победата над Словенија на навивачите кои ги бодреа од трибините во загрепската сала „Арена“, но една девојка доживеа да и се исполни сонот и да го сретне „македонскиот бомбардер“ по натпреварот.

Ива Радељевиќ е од Хрватска и нема никакви македонски корени, но со цело срце ја бодреше Македонија во триумфот над селекцијата на Словенија. Таа говореше на чист македонски јазик и на присутните им остави впечаток дека е една од оние кои допатуваа од Македонија за да ги бодрат ракометарите.

iva radeljevic so kire lazarov

– Немам македонско потекло, но во нашиот клуб за македонско-хрватско пријателство има курсеви за возрасни за изучување на македонскиот јазик. Дополнително, јас помагам во одделот за односи со јавноста и ја одржувам нашата страница. Многу ја сакам Македонија, а денешната средба со Кире Лазаров ми е остварување на сонот,- рече инспиративната Ива за „Дерби“.

Таа исто така била голема обожавателка на Тоше Проески и воедно се интересираше дали меѓу новинарите од Македонија е дојдена и авторката на неговата биографија, Соња Алексовска Неделковска, која што заедно со семејството често ги бодри ракометарите на настапите во странство.

iva radeljevic so raul gonzales

Facebook Коментари