ФОТО: Мистериозна објава на незаменливиот играч на Реал: Почнува нова авантура

Фудбалерот на Реал Мадрид, Аурелиен Чуамени објави фотографија на Инстаграм во темен дрес со број 9 и напиша:

„Почнува нова авантура. Наскоро ќе ви кажам сè“.

Како што преодниот рок се приближува кон крајот, ова загрижи оредени навивачи на Реал, кои сметаат дека ова е знак дека клубот може и ќе дозволи продажба на својот единствен вистински дефанзивен играч за врска во овој момент (Камавинга е повреден).

Сепак, тешко дека ќе има трансфер. 24-годишниот француски интернационалец е незаменлив во тимот на Карло Анчелоти. Тој е единствениот вистински последен играч од средниот ред, нема играч кој би можел достојно да го замени. Токму оваа позиција е клучна сега кога во тимот се приклучи Килијан Мбапе, кој не е познат по извршување на одбранбените задачи и трчање во фазата на одбрана.

Чуамени пред две години пристигна во Реал од Монако за 80 милиони евра. Досега има забележано 91 настап за кралскиот клуб, а постигна три гола со пет асистенции. Ја освои Лигата на шампионите и шпанското првенство.

 

View this post on Instagram

 

A post shared by Aurelien Tchouameni (@aurelientchm)