Фостер: Челси и Арсенал немаат никакви шанси да ја потпишат ѕвездата на Астон Вила

Бен Фостер долго време беше активен на англиската фудбалска сцена, бранеше квалитетно и неколку години беше дел од англиската репрезентација во периодот од 2007 до 2014 година.

Тој многу добро знае колку е тешко да се биде голман и вистински да се одговори во Премиер лигата, најкомпетитивната лига на светот. Токму во Англија брани еден од најдобрите светски голмани, а тоа е Емилијано Мартинез кој го чува голот на Астон Вила.

Мартинез се пронајде себеси на „Вила Парк“ и според Фостер екипи како Челси и Арсенал немаат никакви шанса да го добијат неговиот потпис без разлика на нивната историја и статус во англискиот фудбал.

-Без сомнеж, мислам дека единствените тимови кои ќе го добијат Мартинез се најголемите тимови во светот. Тој нема да оди во Челси, нема да оди во Арсенал. Тој ќе оди во најголемиот – зборуваме за еден од најдобрите два или три клуба во светот, -смета Фостер.

Аргентинецот има 32 години и договор со составот од Бирмингем до 2029 година.