Формула 1 го обнови договорот со епската трка и го објави рекордниот календар за 2023. година (Фото)

Формула 1 ќе се вози на Спа и наредната сезона и тоа беше потврдено за време на гран-при викендот во Белгија, но денеска пристигна добра вест за големите фанови на овој спорт поврзани за уште една легендарна патека.

Монте Карло останува во календарот на „најбрзиот циркус“ најмалку до 2025-та година, бидејќи водечките луѓе на Ф1 денеска објавија дека е постигнат нов тригодишен договор за тркање низ улиците во Монако.

Оваа вест предизвика воодушевување кај Ф1 фановите кои сакаат да се продолжи традицијата во овој спорт, кој во новата 2023-та година ќе брои рекорден број трки.

За првпат од постоењето, на Ф1 календарот ќе има дури 24 трки, а трката во Монте Карло ќе биде осма по ред.

– Задоволен сум што можам да потврдам дека Монако останува на календарот до 2025-та година, Ф1 караванот ќе се врати на улиците во кнежевството наредната година на 28-ми мај, – порача Стефано Доменикали, претседателот на Формула 1.

BREAKING: The Monaco Grand Prix will be on the F1 race calendar until at least 2025 🙌#F1 pic.twitter.com/IfOQ2dJ3VM

— Formula 1 (@F1) September 20, 2022

Introducing the 2023 F1 Calendar 👀

Get set for a record-breaking 24 races next season!#F1 pic.twitter.com/t6Jl521H1G

— Formula 1 (@F1) September 20, 2022