Поврзете се со нас

НБА

Форензичарите ги открија деталите: Наодот од аутопсијата за смртта на Коби е страшен и брутален

Објавено

на

Неполни четири месеци по страшната трагедија која се случи во регионот Калабасас, форензичкиот кабинет од Лос Анџелес излезе со официјални податоци по направената аутопсија на телата кои беа пронајдени во хеликоптерот и надвор од него.

Коби Брајатн, неговата ќерка Џиана и уште седум патници (вклучувајќи го и пилотот) го загубија животот во ужасната несреќа која се случи на крајот на месец јануари, а со оглед на тоа што стануваше збор за вест која го потресе цел свет, одговорните луѓе од судска медицина со забрзано темпо работеа на случајот.

Така, нецели четири месеци подоцна, во официјалното соопштение се вели дека пилотот Ара Зобојан немал алкохол или дрога во неговиот организам, но исто така се наведува дека сите девет погинати го загубиле животот веднаш по силниот удар во ридот.

Во приложениот извештај и изнесените податоци од страна на кабинетот, се добива страшна и брутална слика за тоа колку бил ужасен инцидентот, бидејќи се опишува дека имало скршени коски, скршени черепи, делови од распрнати тела и изгореници.

Сепак, како главна причина за смртта кај сите девет патници е посочена тешка траума здобиена од првичниот удар при уривањето на леталото, по што Коби, неговата ќерка и останатите немале никаква шанса да се спасат од најцрното сценарио.

Реклама
Реклама
Реклама

Популарни