Фонсека за следната трансфер цел на Милан: Сите тоа го знаат

Калчолигашот Милан продолжува да влече потези на пазарот на кој досега ги обезбеди дефанзивците Емерсон Ројал и Страхиња Павловиќ, но и искусниот шпански репрезентативец Алваро Мората.

Ама клубот од Милано не планира тука да застане и следна цел е да се освежи средината на теренот каде во фокусот е еден игра и тоа уште еднаш го потврди тренерот Пауло Фонсека.

-Тоа е Фофана (од Монако), сите тоа го знаме, -истакна Португалецот кој е задоволен од тоа како се развива екипата под негово водство.

-Пред нас е дол пат, но тимот веќе се обидува да спроведе некои од моите идеи. Работевме само пет недели и денеска играа два различни тима. Има уште многу да се направи, но јас сум среќен бидејќи играчите се обидуваат да ги повторат работите на кои работевме овие денови.

-Најмногу ми се допаѓа фазата на посед, особено во нападот. Тоа е различен стил на игра. Не правам споредби со минатото; Само велам дека е различно. Ни треба време да се подобриме во одбраната. Ако сакаме да притиснеме високо, мора да се подобриме во многу аспекти, -рече стратегот.