Фонсека за Леао: Секогаш разговараме, очекувајте поинаков играч!

Пауло Фонсека беше избран за нов тренер на калчолигашот Милан каде една од задачите дефинитивно ќе му биде да го извади максимумот од главните ѕвезди, клучните играчи меѓу кои и е Рафаел Леао.

Леао знае да има проблеми со константноста од натпревар во сезона, да има подеми и падови во сезоната што знае да биде проблематично, па често има критики на негова адреса од навивачите, но и стручната јавност, медиумите на Апенините.

Минатата кампања ја заврши со 15 голови и 14 асистенции на 47 мечеви во сите конкуренции, учинок кој не е за потценување, ама за играч кој треба да биде лидер, да ја носи екипата и не е за голема пофалба.

Фонсека работи со него и порача дека може да се очекува поинаков играч.

-Изгледа поотворен да игра за тимот. Добро работиме заедно и секогаш разговараме. Не знам дали ќе биде подобар или полош од минатата сезона, но сигурно ќе биде поинаков играч, -истакна тренерот на составот од „Сан Сиро“.