Фонсека веќе работи под притисок: Лесно беше да се утврди каде треба да се поправи Милан

Пауло Фонсека не тргна добро во Милан и освои само еден бод во првите две кола, по што почнаа да се појавуваат и шпекулации за можен брз отказ доколку не го изведе тимот на посакуван пат.

Португалецот нема да има лесна задача во третото коло и останува да се види како тимот ќе одговори на гостувањето кај Лацио, пред кое новиот тренер на Милан очекува далеку подобро издание, но и поправање на грешките.

Милан покажува посебно големи слабости во одбрана и во бранење како тим, па Фонсека нагласи дека тоа треба да биде прв исполнет предуслов за да се покаже подобра слика на теренот.

– Свесни сме дека не почнавме добро, но остануваме сплотени и мирни. Сакаме да пронајдеме решенија, тоа го правиме во текот на цела недела. Сплотени сме како целина и полесно е да се работи во такви услови.

– Свесни сме каде треба сериозно да се подобриме, мора подобро да бидеме организирани и да се браниме како тим. Утре очекувам поинаков Милан, бидејќи беше лесно да се утврди каде треба да се поправиме. Имавме позитивна недела на тренинзите и не бараме изговори. Јас сум тука за да најдам решенија за лошиот старт, верувајте дека тоа го правев цела недела. Ќе видиме утре дали сме го направиле тоа, – изјави Фонсека.