Фонсека со прва изјава откако доби драконска казна: Сакам да нагласам две работи

Пауло Фонсека заработи драконска казна од француските дисциплинци за своето недолично однесување кое го имаше на последниот натпревар против Брест, откако познатиот португалски стручњак реши да му се втурне во лице на главниот судија Беноа Мијо.

Иако немаше некои посериозни последици, минималниот физички контакт направи доскорешниот тренер на Милан да заработи жестока казна од девет месеци, па денеска Фонеска ја даде и првата изјава за француската јавност.

Фонсека изјавата ја дал непосредно пред дуелот на Лион против ФЦСБ во Лигата на Европа, при што тренерот посочил дека чувствува една голема неправда после притисокот кој го извршија медиумите, но и од конечната одлуката на дисциплинците.

– Сакам да останеме фокусирани на следниот ривал, но чувствувам дека се прави голема неправда со одлуката која беше донесена вчера.

– Сакам јасно да нагласам две работи….. Сакам да биде јасно дека немав сериозен допир со судијата и никогаш немав намера да покажам агресија кон него. За мене најважна останува поддршката која ја добивам од клубот и од оваа неверојатна група на играчи. Подготвен сум да продолжам да работам, без оглед на долгата суспензија. Мора заедно да најдеме солуции и да го организираме тимот на најдобар можен начин до крајот на сезоната, – изјавил Фонсека.