Фонсека по највисоката победа како тренер на Милан: Направивме огромен прогрес во еден поглед

Пауло Фонсека ги предупредуваше своите играчи пред пресметката со лидерот во Серија Б, но натпреварот против Сасуоло се покажа како еден полесен тренинг за „росонерите“.

Милан максимално сериозно си ја сфати работата во Копа Италија и извојува победа со резултат 6:1, а португалскиот стручњак беше посебно задоволен по оваа средба со оглед на лошата серија на резултати која ја имаше тимот против послаби екипи.

„Росонерите“ загубија доста бодови против екипи од долниот дел од табелата, па затоа Фонсека смета дека прикажаниот пристап против Сасуоло е голем чекор напред од неговиот тим.

– Јасно има ја апострофирав опасноста од релаксација на моите играчи, на вакви натпревари не смеете да се опуштите. Беше клучно да почене силно и со интензитет. Барав брз проток на топката, пресинг и играчит испочитуваат се што побарав.

– Во минатото имавме проблеми во пристапот со помалите тимови, но сега направивме огромен прогрес во тој поглед и мора да бидам задоволен од ставот кој го имаше тимот. Јас секогаш преземам одговорност, моја одговорност е тимот да влезе максимално мотивирано на еден ваков натпревар, – изјави Фонсека.