Фонсека: Јас сум одговорен, Милан има колективен проблем во одбраната

Tренерoт на Милан, Пауло Фонсека не го криеше незадоволството по поразот на неговиот тим (2:1) од Парма во второто коло од Серија А.

„Росонерите“ во првото коло ремизираа 2:2 со Торино, а сега загубија, што остави лош впечаток на почетокот на сезоната.

„На почетокот морам да кажам дека за се што се случува со овој тим, јас сум одговорен како тренер“, изјави Фонсека веднаш по натпреварот, а потоа продолжи:

„Ја преземам одговорноста и не сакам да се кријам од тоа. Сепак, јасно ми е дека има колективен проблем кога се работи за одбрана и агресија. Кога некој ќе ни направи притисок тешко да останеме компактни и да си ги вратиме позициите. А кога се вративме на својата позиција, бевме само пасивни. Има многу работи. За мене тоа е проблем со ставот, енергијата и желбата да се браниме како тим“, изјави видно изнервиран Фонсека.