Фонсека го најави патувањето за Ријад, медиумите тврдат дека е „бивш тренер“ на Милан

Италијанските медиуми тврдат дека Пауло Фонсека ќе биде отпуштен од Милан уште вечерва, но актуелниот тренер на „росонерите“ тврди дека не разговарал со никого и не чувствува страв од отказно решение.

Милан одигра 1:1 на дуелот со Рома и медиумите тврдат дека клубот веќе го подготвил Серџо Консеисао за негов наследник, но по натпреварот Фонсека не сакал да зборува во таа насока.

– Дали имав напнат состанок со Златан? Не. Не сум зборувал со никого и не можам да коментирам бидејќи ништо не се случило.

– Се чувствувам сигурен на клупата на Милан, не сум разговарал на таа тема со никого, рекол Португалецот.

Милан веќе во вторник патува за Ријад, каде на 3. јануари ќе игра Супер куп полуфинале против Јувентус.

– Сега е време малку да одмориме, треба да патуваме задутре. Немаме многу опции за бирање во однос на составот, но ќе искористиме тоа што е на располагање, – рекол Фонсека.