Фондацијата „Марко Божиновски“ го најававува првиот меморијален ракометен турнир

Од 14 до 17 јуни, на теренот на С.Ц „Марко Божиновски“ , во Ново Лисиче, Општина Аеродром, осум екипи на момчиња родени 2004-та година и помлади, од три држави, поделени во две групи, ќе се натпреваруваат за победнички пехар на премиернотот издание во чест на прерано починатиот млад ракометар.

„Марче – живееш вечно“ и „Засекогаш во нашите срца“ се крилатиците кои го водеа тимот на ентузијасти во организацијата на овој турнир. Една година по неочекуваната разделба со Марко, која се случи тивко, но одекна гласно, неговото семејство ја отвори Фондацијата „Марко Божиновски“. Во негова чест и аманет, а имајќи предвид дека ракометот беше негов живот, љубов и животна определба, како и со визија вечно да живее неговиот лик и дело, таа ќе даде поддршка на млади луѓе кои поседуваат талент но немаат можност да инвестираат во себе, но и всадување на спортски дух кај новите генерации, дух кој Марче го носеше во себе.

Водејќи се од визијата на Фондацијата, во сегментот на организација на спортски активности и настани за деца и млади, во периодот од 14 до 17 Јуни, 2022 година, Фондација „Марко Божиновски“ со особена чест и задоволство го најавува премиерното издание на Меморијалниот ракометен турнир „МАРКО БОЖИНОВСКИ“,  турнир за ракометари до 18 години на кој ќе учествуваат осум младински екипи, од 3 различни држави, Хрватска, Србија и Македонија.

Натпреварите ќе се играат по принцип 2х30 минути во две групи, со систем на натпреварување секој со секого во својата група. Прво пласираните екипи од групите ќе играат натпревар за прво место, второпласираните за трето итн.  Во случај на ист број на поени ќе се применат пропозициите на РФМ. Сите натпревари ќе бидат пренесувани во живо на „YouTube“.

Натпреварите од турнирот ќе се одиграат во спортскиот центар „Ново Лисиче“, Општина Аеродром, кој од минатиот октомври е преименуван во С.Ц „Марко Божиновски“. Турнирот ќе започне од 14 јуни во 17.30 часот, а свечената церемонија на доделување на наградите е предвидена на 17 јуни во 20.30 часот.

           Група А                                                         Група Б

РК Војводина                                                          РК Нексе

РК Пролет                                                                РК Алкалоид

РК Вардар                                                                РК Голден Арт

РК Бутел                                                                   К  Пелистер  Е.

         14 Јуни 2022                                                       15 Јуни 2022

17:30  Вардар – Бутел                                               09:30 Војводина – Бутел

19:00  Голден Арт – Пелистер Е.                          11:00  Пролет – Вардар

                                                                                        16:45 – официјално отварање

                                                                                        17:30 Нексе – Пелистер Е.

                                                                                        19:00 РК Алкалоид – РК Голден Арт

        16 Јуни 2022                                                                           17 Јуни 2022

09:30 Нексе – Голден Арт                                                          09:00 Војводина – Нексе

11:00 Алкалоид – Еурофарм Пелистер                                 10:30 Нексе – Алкалоид

17:30 Војводина – Вардар                                                           

19:00 Пролет – Бутел                                             

Финални натпревари

13:00 Натпревар за 7-мо место (А4 – Б4)

14:30 Натпревар за 5-мо место (А3 – Б3)

16:00 Натпревар за 3-мо место (А2 – Б2)

18:00 Натпревар за 1-мо место (А1 – Б1)