Фоден: Веруваме во Гвардиола, продолжуваме…

Манчестер Сити е непрепознатлив во изминатиов период и едноставно не може да и стави крај на лошата серија на резултат, низа која беше надополнета и со пораз од градскиот ривал Манчестер Јунајтед кој беше во загубена позиција до 88 минута за да до крајот направи пресврт и слави со 2-1.

Овој резултат и целиот настап потврди дека „граѓаните“ се далеку од тоа што можат и што го покажуваа на терените изминативе години, но Фил Фоден е оптимист и верува дека ќе се вратат порачувајќи дека максимално како тим стојат зад менаџерот Пеп Гвардиола.

-Сè уште не сме блиску до нашето ниво, но сепак верувам дека играме доволно добро за да добиеме поени и резултати. Се работи за да останеме фокусирани во текот на сите 90 минути, но продолжуваме да се исклучуваме во важни моменти.

-Треба само да го ставиме фокусот правилно. Се држиме заедно, се регрупираме и веруваме во себе по она што сме го постигнале во минатото. Ние продолжуваме да веруваме во процесот и менаџерот – сигурен сум дека ако го сториме тоа ќе се вратиме на победничките патеки и ќе се вратиме на нашето ниво.

-Станува збор за одржување на нашиот менталитет силен во текот на сите 90 минути и ние тоа не го правиме во моментов. Мораме повторно тоа да го направиме и да покажеме карактер за да се вратиме. Не е време за жалење – мора да се држиме заедно, да останеме силни и да одиме повторно. Уверен сум дека ќе се вратиме, -порача Фоден.