ФМП Академија конечно победи, Работнички го преслуша Охрид

Саботната програма во кошаркарска Македонија донесе три натпревари во Првата лига, а во осмото коло ја дочекавме првата победа на ФМП Академија која успеа да слави над тимот на Кожув.

Со овој меч беше отворен денешниот натпреварувачки ден и академците успеаја да слават со 93:83, што за нив е прекин на ужасната и црна серија која траеше од почетокот на сезоната.

После седум неуспешни обиди, ФМП најде решение и го победи гевгелискиот состав на домашен терен, а тоа го направи сосема заслужено бидејќи доминираше во првото и второто полувреме.

Победа запиша и Работнички кој на домашен терен го преслуша Охрид со 86:56, а разликата од 30 поени најдобро отсликува како изгледаше ситуацијата на теренот.

По двата триумфи на домашните екипи, последниот меч донесе гостинска победа, а таа ја оствари Гостивар со резултат 75:90 против Вардар.