Флорентино со коментар за дебито на Мбапе

Реал Мадрид ја победи Аталанта во европскиот Супер куп, а Килијан Мбапе постигна гол на своето официјално деби во редовите на актуелниот европски шампион.

Самиот Французин не криеше дека е среќен за ваквиот почеток на неговата етапа во дресот на шпанскиот великан, а сличен став има и претседателот Флорентино Перез.

Предводникот на Реал по дуелот во Варшава дал изјава поврзана со првиот настап на новиот офанзивен фудбалер.

– Фактот што Мбапе постигна гол уште на првиот настап за Реал ќе му биде дополнително охрабрување за да има добра сезона.

– Тој е многу среќен, тоа се виде и кога го добиваше медалот. Не е лесно да постигнеш гол за Реал уште на дебито, па може да кажеме дека има одличен старт, – истакнал Перез.