Флик за тоа дали ќе му даде одмор на Јамал: Тоа што го прави…

Барселона ќе се обиде да ја продолжи перфектната серија на резултати во Примера или поточно за да дојде до „седум од седум“ ќе мора да го совлада тврдиот Хетафе кој е тимот со најмногу нерешени средби во досегашниот дел од шампионатот.

Каталонците имаат доста повредени играчи во своите редови, ростерот не е како во некои минати времиња, па тренерот Ханси Флик и нема преголем простор за ротација иако распоредот е напорен и се играат натпревари на секои три дена.

Еден од оние кој досега нема добиено одмор е таленитираниот Ламин Јамал кој беше стартер на сите средби за Барса од почетокот на оваа сезона, плус двете за Шпанија во Лигата на нации, па тренерот Ханси Флик беше запрашан за тоа дали е време офанзивецот да биде поштеден, да добие мала пауза.

-Ги имаме сите податоци од играчите и во моментов не е така, дека му треба одмор. Во моментов се е во ред. Тој се чувствува добро. Мислам дека [против Хетафе] не му треба одмор. Исто така, важно е да се игра на домашен терен за да се започне добро со одличен тим, -рече Германецот и додаде:

-Тоа што го прави оваа сезона е неверојатно. Квалитетот нема врска со возраста; на негова возраст тој е навистина неверојатен, прави големи работи. Дали тој е најдобар [во светот]? Мислам дека тој би можел да биде најдобар играч во иднина, 100 проценти, -порача Флик.