Флик за состојбата на двајца клучни играчи пред Супер Купот: Мислам…

Барселона без проблеми излезе на крај со нисколигашот Барбастро и обезбеди место во осминафиналето на Копа Дел Реј.

Фаворитот славеше со 4-0 со два погодоци на Левандовски и по еден на Гарсија и младиот Торе.

-Денешната победа е важна. Потребно беше вака да ја започнеме новата година, доаѓајќи од таму каде што дојдовме. Бевме многу добри во одбраната. Не им дадовме шанса на противниците, -истакна тренерот Ханси Флик кој беше среќен што Роналд Араухо повторно е активен на теренот.

-Араухо се врати по тешката повреда. Тој можеше да одигра 90 минути и го видовте неговото ниво. Тој зборуваше на теренот, тој е еден од нашите капитени, -рече Германецот кој даде одговор дали Ламин Јамал и Рафиња ќе биде подготвени за престојниот предизвик во Супер Купот на Шпанија.

-Патуваме во понеделник, тренираме во понеделник во Барселона и во вторник во Арабија. Тоа е се што имаме пред тој натпревар. Мислам дека Ламин ќе биде достапен против Атлетик. Рафиња имаше некои проблеми, добро тренираше, но решивме дека е попаметно да го поштедиме на ова патување, -порача предводникот на каталонците.

Ривал на Барса во полуфиналето е Атлетик Билбао.