Флик за случајот Олмо: Разговарав со него, тој сака…

Барселона без проблеми ја мина првата пречка во Копа Дел Реј, нискологашот Барбастро кој настрада на негов терен со 4-0.

Каталонците беа сигурни во текот на сите 90 минути, но играта и резултатот паднаа во втор план и тоа сосема очекувано затоа што великанот се уште го нема решено проблемот со регистрацијата на Дани Олмо и Пау Виктор.

Клубот доби негативни одговори во сите досегашните свои обиди и сега ќе се обидува преку судови да дојде до некое позитивно решение. Наводно постои оптимизам кај управата на Барселона на чело со Жоан Лапорта, па и тренерот Ханси Флик верува дека се ќе се реши како што посакуваат и тој ќе ги има на располагање двајцата играчи.

-Убеден сум дека клубот ќе го реши прашањето околу реситрацијата на нив двајца. Разговарав со Дани и тој сака да игра само за Барселона. Ни треба тој, а исто така и Пау Виктор. Тие се многу добри играчи. Ни требаат и двајцата. Мора да почекаме. Ова е единственото нешто што можеме да го направиме сега, -порача Германецот.

Ако пропаднат и последните обиде на Барса, Олмо има опција која му овозможува бесплатно да си замине од клубот, нешто што би било вистинска катастрофа за составот од „Камп Ноу“.