Флик за аплаузите за ѕвездата на Барселона на „Месталја“: Не сум изненаден, сите сакаат такви играчи

Барселона го положи првиот сезонски испит во Ла Лига и тоа на незгодниот терен на „Месталја“ каде беше совладана Валенсија со 2-1.

Ова беше прв официјален меч за Ханси Флик на кормилото на каталонците, па иако доста важни играчи не му беа на располагање тој успеа да извади состав кој ги донесе трите бода.

Роберт Левандовски со два погодоци беше играч на натпреварот, но публиката во Валенсија максимално испочитува еден друг играч, талентираниот Ламин Јамал кој доби аплаузи.

-Тој е фантастичен играч. Не бев изненаден што му аплаудираа на Месталја. Тој е одличен играч и на сите им се допаѓа таков играч. И затоа е нормално да добие аплуаз, -рече Флик кој запрашан за позиците на Јамал и Рафиња кои во основа треба да се борат са истото место, стратегот одговори:

-Тие можат да играат на неколку позиции и во моментов е неопходно да се имаат овие решенија. Фокусирани сме на следната недела. Ќе биде тежок натпревар, но добро е да имаме три бода за да одиме на следното ниво, -порача предводникот на клубот од Каталонија.