Флик за ангажирањето на ветеранот: Еден од најдобрите потези кои сме ги направиле

Ханси Флик ја подготвува Барселона за денешниот дуел со Бенфика во Лигата на шампионите, а на вчерашната прес-конференција зборувал на разни теми, вклучувајќи ја и резултатската криза во Ла Лига.

Германскиот стручњак бил прашан и за дилемите околу составот, односно своето размислување за единаесетката која ќе го започне дуелот во Лисабон, меѓу другото и изборот на голманската позиција.

– Ова е работа која ја дискутираме со моите асистенти, но видовме дека Шчесни е шампион и тоа го покажа на Суперкуп дуелот со Реал Мадрид.

– Има освоено многу трофеи, ми се допаѓа како се однесува на теренот, ќе видиме каква одлука ќе донесеме за утре.

– Мислам дека ангажирањето на Тек е еден од најдобрите потези кои ги направивме. Не се во прашање само неговите квалитети, туку и начинот на кој се однесува со другите голмани, пренесува неверојатно искуство на неговите помлади колеги и убаво е да го имате во тимот, – изјавил Флик.