Флик со порака до водечките луѓе на Барселона: Тој е многу важен играч за нас, мора да добие нов договор

Барселона утре ја очекува незгодно гостување во Баскија кај Реал Сосиедад, меч на кој целта е да се оствари позитивен резултат и на најдобар можен начин да се заокружи овој дел од сезоната пред новата пауза во која одново активни ќе бидат репрезентациите.

Ова сигурно нема да биде лесна мисија за каталонците кои ќе мора да дадат се од себе за да ги освојат трите бода, поточно потребен е настап на највисоко ниво на играчите како што тоа го прави искусниот Ињиго Мартинез.

Дефанзиевцот е вистински лидер на одбраната на Барса во актуелнава сезона, тој максимално ги искористи повредите на Роналд Араухо и Андреас Кристенсен, се наметне во почетната постава и тренерот Ханси Флик и порача на управата да го продолжи договорот со него.

-Неговите настапи се многу добри. Тој е лидер. Тимот е многу млад и важно е да има искусни играчи. Ако игра вака…

-Договорите не се моја работа, но од моја страна ако продолжи вака мора да се обнови. Во последните неколку натпревари беше неверојатен. Тој е важен играч за нас, -порача Германецот.

Ињиго има одиграно 15 натпревари во актуелнава кампања, постигнато 2 гола и забележано 2 асистенции.